Este é o sítio web do Espaço Irmandinho. Um modesto ponto de informaçom na Internet que pretendemos sirva como referência própria e local de contacto com a rede nacional de militantes independentistas que constituimos em 2005 para trabalhar na construçom e a liberaçom nacional e social deste país.Aplicando à nossa política de comunicaçom os princípios de renúncia ao marketing fraccional competitivo e fomento dos projectos mediáticos em chave nacional e independentista, este portal oferecerá apenas o que é próprio e exclusivo da fracçom política que o impulsiona –textos públicos, iniciativas, propostas, etc.-, renunciando à tentaçom de abrangermos o amplo espaço que vai da formaçom à informaçom quotidiana hoje cuberto por múltiplos projectos que respondem a este abano de necessidades com mais eficiência que em qualquer outro momento histórico anterior. Apontar, por último, que neste sítio web aparecerám esporadicamente aqueles pronunciamentos e valorizaçons sócio-políticas que a nossa rede organizativa considere necessário publicar e fazer chegar à militáncia do Movimento de Liberaçom Nacional Galego e o conjunto do povo.


quinta-feira, 22 de julho de 2010

Dia da Pátria 2010


Desde a nossa organizaçom e por quarto ano consecutivo queremos fazer um chamamento ao povo trabalhador galego a participar na manifestaçom nacional convocada pola entidade autodeterminista Causa Galiza o 25 de Julho, Dia da Pátria, em Compostela baixo o lema Para enfrentarmos o capital, aquí e agora soberania nacional, que sairá da Alameda às 13:00 horas.
Postado por espaço irmandinho às 10:21